Oktobra programo

Sabate (la 9-an de oktobro), en Budapeŝto (en teodomo nomita Sirius kaj en oficejo de HEA) okazis bonetosa aŭtuna renkontiĝo (kun teumado kaj pentrado de T-ĉemizoj).

La HEJ-programo ne restis sen rezulto: la partoprenantoj pruvis kelkajn vaste konatajn supozojn...

1. Por bonfarto loko vasta estas grava aĵo lasta.





2. Ju pli bone vi fartas, des pli rapide pasas la tempo (tiel okazis, ke ni anstataŭ la planitaj 2 horoj pasigis 4 teumante kaj babilante).





3. Granda aĝdiferenco ne estas problemo, ĝi eĉ helpas la kreiĝon de homaj kontaktoj (jen la kaŭzo, ke la 6 semajna Hanna estis unu el la plej popularaj partoprenantoj de la renkontiĝo).




4. Ne eblas eviti, ke la krokodilo gajnu la konkuron "Plej ŝatata besto de esperantistoj".

5. Kaj fine: esperantistoj ne manĝas homojn (eĉ komencantojn ne), do ni ĉiuj elkore invitas vin al nia sekvonta renkontiĝo! ;-)
(Pri tiu ĉi menciita evento vi povos legi baldaŭ eĉ detalojn ĉi tie, ĉe tiu ĉi retpaĝo.)

Se vi ne kredas ĉi tiujn frazojn, rigardu la bildojn, kaj certiĝu mem pri ilia praveco! ;-)

Teamo de HEJ