Gajnita konkurso

Ni ĝoje anoncas ke en 2010 la HEJ denove gajnis 200.000 forintojn en la konkurso de NCA. La tempodaŭro de la projekto estas 2010.06.01 - 2011.05.11. La subtenon ni uzos por la baza projekto de la HEJ.

MELA - MEmzorganta LAg-umado antaŭ kaj post la IJS

Jena renkontiĝo (MELA, MEmzorganta LAg-umado) okazos
– antaŭ la IJS: inter la 26-a de julio kaj la 3-a de aŭgusto
– kaj post la IJS: de la 9-a ĝis la 16-a de aŭgusto.
Tio ne estas renkontiĝo de HEJ, do se vi interesiĝas pri la afero kaj bezonas pli da informoj, klaku ĉi-tien: http://www.krokodilo.de/mela/mela.php.

Karavano de IJS al FESTO

Por veturi de IJS al FESTO, malmultkoste kaj gaje (kun aliaj esperantistoj), aliĝu al la trajna karavano! :-)
Pri tiu ĉi karavano mallonge:

• startos je la lasta tago de IJS (la 9-an de aŭgusto; frumatene/aŭrore)
• trajnoŝanĝoj en Győr, en Vieno (+ tagmanĝado) kaj en Linz/Donau
• poste tranoktado en Innsbruck, verŝajne en junulargastejo
• 10-a de aŭgusto: plutrajnado al Torino (alveno posttagmeze), tranoktado: ĉe lokaj esperantistoj
• 11-a de aŭgusto: urbovizitado (Torino)
• 12-a de aŭgusto: matene daŭriĝos la vojaĝo pertrajne, fine alveno al Tuluzo (Francio), kie komenciĝos sekvonttage FESTO, tranoktado

Baldaŭ vi povos ekscii eĉ plurajn detalojn pri la karavano ĉi tie aŭ dum la IJS. :-) aŭ vi povas kontakti Alecxjon ĉe la retadreso alekcxjo{ĉe}gmail{punkto}com.