Kultura Lingva Festivalo dum IJS 2010

Kadre de IJS 2010 ni planas organizi Kulturan Lingvan Festivalon, dum kiu la diversnaciaj partoprenantoj povas prezenti iun tipan nacian dancon/kanton/manĝaĵon/vestaĵon/ludon en publika loko. La celo de la festivalo estas ne nur prezenti naciajn specialaĵojn de la diversaj landoj sed ankaŭ demonstri la helpan rolon de Esperanto en la kulturaj rilatoj inter la landoj. Nia celo estas organizi grandan, amuzan aranĝon kiu allogos multajn personojn. Por tio ni petas ankaŭ vian helpon.
La urbo Pécs estas unu el la Eŭropaj Kulturaj Ĉefurboj en 2010.
Ni planas organizi iun specialan programeron al kiu kontribuus esperantistoj el la fraturboj de Pécs.
Do se vi venas el la sekvaj urboj aŭ vi konas esperantistojn kiuj vivas tie, nepre kontaktu Petra (p Punkto smideliusz Ĉe gmail Punkto com)
La fraturboj de Pécs:
Osijek - Kroatio
Fellbach - Germanio
Graz - Aŭstrio
Lyon - Francio
Terracina - Italio
Lahti - Finnlando
Cluj Napoca - Rumanio
Arad - Rumanio
Novi Sad - Serbio
Kütahya - Turkio
Seattle - Usono
Tucson - Usono

Eta rakonto pri JER

Unue mi deziras danki la eblecon al cxiuj organizantoj ke mi povis partopreni la arangxon kaj la bonegan semajnfinon al cxiuj cxeestantoj. :) Mi ege bedauxras ke mi nur sabatvespere povis alveni al Tiszafüred kaj tiel cxeestis kelkaj programoj kiujn mi ne povis partopreni - sed tiuj kiuj estis tie tuttempe diris ke ili estis ege bonaj.

Kiam mi alvenis kelkaj jam provis lerni danci kaj al mi ege placxis rigardi ilin kaj vidi kiom lertaj ili estis. (Do, tiam mi estis ege bonsxanca ke mi ne havis la eblon esti devigita al dancado cxar tiel mi ne estintus tiom gxoja, mi pensas. :P) Poste ni rigardis prezentojn de profesiaj dancistoj el Tiszafüred.

Ni gustumis Esperantan torton, ekhavis cxemizojn de JER 2010 kaj havis la eblon trinki koktelojn, ankaux nealkoholajn. :)

Nokte mi babilis kaj ludis kun kelkaj amikoj preskaux gxis la 4a kaj ni dormis preskaux 3 horojn, do ni estis ’iometege’ lacaj dimancxe. Ni ne povis suficxe dormi ankaux pro tio ke kelkaj karaj trumpetludantoj tre kare vekigis nin ke ni ne malfruigxu la matenmangxon. :D (Nun pli serioze: mi volas danki al la vere karaj trumpetludantoj la vekigon. ;))

Dimancxe ni auxskultis ilin ludi kelkajn kantojn kaj poste ni havis jarcxefkunvenon de HEJ. Poste ni ekhavis niajn mangxajxojn kaj ekiris hejmen. (Mi volas danki la hejmenveturadon al Petra kaj sia koramiko kiuj kunportis min al Budapesxto! :))

Mi ege esperas ke la venontan JER arangxon mi tuttempe povos partopreni kaj ke ni renkontos kun cxiuj Esperantistaj amikoj dum IJS. :)

Ditta

JER 2010, Tiszafüred; raporto

Nekredebla, sed jam preskaux unu semajno forpasis ekde tio, ke mi partoprenis la renkontigxon JER en la urbo Tiszafüred. Mi pensis iom skribacxeti pri la okazajxo kaj disvastigi miajn agrablajn spertojn koncerne gxin. :-) Do jen, se Vi interesigxas pri la afero...
Mi nur partatempe povis cxeesti (pro acxaj lernindajxoj, ktp.), do mi ne ekveturis jam vendrede posttagmeze, nur sabate matene. Tiszafüred trovigxas en la alia flanko de nia lando, do mia vojagxo (pertrajne) dauxris cx. 4 kaj duon horojn kaj mi dufoje ecx devis sxangxi trajnon. Fakte, mi ankoraux neniam veturis tiom foren sole, tiel mi iom timis, ke maltrafos la trajnon aux misan elektos, sed felicxe cxio estis en ordo kaj mi tute facile alvenis al mia celo. :-)
Alvenante mi tagmangxis kaj poste nia grupo ekis por partopreni arkopafadon aux pretigi ornemajxojn/juvelojn el ledo. Mi - memkompreneble - elektis la duan varianton, cxar mi sxategas manlaborojn. ;-) Mi gxuis la aferon kaj estis vere kontenta kun la rezulto. Post la finigxo de tiuj programoj ni partoprenis dancinstruadon - kio estas cxaim iom da sufero por mi, bedauxrinde, cxar mi tute ne havas talenton en tiaj aferoj. Mi tre volonte rigardas diversajn dancojn, sed ke ecx mem faru, tio sxajne estas suficxe malebla kaj min gxenas mia propra mallerteco... :-( Sed krom tio mi bonfartis.
Se mi bone memoras, post la dancado ni iris vespermangxi kaj finfine komencigxis ecx la vespera dancprezentado, kie ni povis gxui dancadon de kelkaj lokaj grupoj. Al mi pleje placxis la ventrodancado kaj la latinaj dancoj. :-) Tiun vesperon komencigxis ankaux la poker-konkuro kaj ni ecx surprizigxis: oni ensxovis grandegan IJS-torton dum la vespero kaj invitis cxiujn partoprenantojn al tiu cxi somera kunveno, kio okazos en Pécs, inter la 3-a kaj 9-a de auxgusto. Mi certe cxeestos! ;-) Kaj vi?
Nokte oni organizis Esperantan geokasxadon (aux pli precize sercxadon) kaj krom tio ni longe babilis kaj ecx ludis Kontakto!-n sur la koridoro de la studenthejmo (cxu estis tio, fakte?). Mi tre bone amuzigxis kaj multe ridis - nur la tempo mankis al mi sekvontmatene, cxar mi dormis entute 5 horojn, dank' al la longa parolado kaj la horlogxregulado... Ne cetere, la vekigo estis tre "agrabla": trumpetvocxo... ;-) Antauxtagmeze post la matenmangxo ni partoprenis koncertojn (lokaj grupoj, blovmuzikistoj kaj aliaj kun elektra citro). Fine okazis la jara cxefkunsido de HEJ, kio estis por mi tre interesa, cxar mi ankoraux neniam partoprenis tian (oficialan) aferon.
JER finigxis dimancxe post tagmezo per iom da tempo, sed mi tute ne emis hejmenveturi... Mi ekkonis dume novajn homojn, renkontis denove konatulojn kaj amikojn kaj ekhavis iom da sperto koncerne organizadon (dum la sabata vespera programo mi tradukis por la hungaroj kaj mi renkontis la organizantaron kaj ni babilis - mi vere estis kaj estas gxoja, ke povis iomete pli aktive partopreni en tiaj aferoj). :-)
Kaj fine, mi sxatus danki al cxiuj la organizadon de la kunveno, ilian afablecon kaj karecon al mi, la veturigon al la cxefurbo (tiel mi ne devis tiom multe trajnumi)... :-) Mi esperas, ke multajn konatulojn (kiujn mi dum JER renkontis), povos revidi dum IJS. Gxis la kaj dankon ankoraux foje! :-)

Saci/Sara
Ps.: Se mi havos iom da libera tempo, mi skribetos ecx hungare pri JER, sed nun mi ne havas eblecon pri tio, cxar ni baldaux forveturos por viziti miajn geavojn okaze de Pasko. Kaj se jam menciita: pacan kaj gxojan feston al Vi cxiuj! :-)