La
Eŭropa Junulara Forumo okazigis (en Bruselo inter la 7a kaj 11a de
septembro) internacian eventon rilatan al volontulado, kies parto estis
ankaŭ la
Volontula Vilaĝo. Ĉi tie ĉeestis multaj
junularaj volontulbazaj asocioj por konigi sian agadon, inter alie
ankaŭ TEJO estis reprezentita de multaj junaj kaj entuziasmaj
esperantistoj el pluraj landoj. Ankaŭ ni, du membroj de HEJ (Szabolcs
Szilva kaj Sarolta Bagó) veturis tien por reprezenti la tutmondan
organizon, kaj ni ŝatus rakonti iom pri niaj tre pozitivaj spertoj
koncerne la aranĝon.
Alveninte post longa trajnumado ni komencis prepariĝi por la
okazaĵo, "enloĝiĝante" en nian budon (kiu, surprize kaj eble hazarde,
estis verda :-) ), malpakante multlingvajn flugfoliojn, Eo-librojn,
KD-diskojn kaj similaĵojn. La programoj eventuale nur sekvonttage
komenciĝis, kaj nia teamo krom la budo havis eĉ tri memstarajn
programerojn: ludon "Iĝu esperantisto!", fulmkurson de Eo. kaj
laborkunsidon pri administrado de eventoj. Ĉiuj menciitaĵoj estis sufiĉe
sukcesaj, multe da junuloj ŝajnis interesiĝi pri la lingvo kaj pri la
"ceteraĵoj".
Sumante ĉion: tre grava kaj bona sperto estis, ke preskaŭ neniun negativan aliron (al
Eo.) ni renkontis, male: la
volontula medio
estis tre taŭga por
disvastigi la bazajn ideojn de nia lingvo. Ni ŝatus ankaŭ ĉi tie danki
ĉiujn pro la ĉeesto kaj laboro, kaj ni tre esperas, ke TEJO ankaŭ
venontfoje povos partopreni kaj same utile agi kiel ĉi-jare.
Se vi interesiĝas pri detaloj (en la angla), ni proponas al vi rigardi ĉi tiujn retpaĝojn:
http://youngvolunteersstandup.wordpress.com/2011/09/09/mi-estes-inne-mi-estes-journalistino/ kaj
http://www.youthforum.org/.
BAGÓ Sarolta
