Ĉeestis: Timi, Petra, Csilla, Imre, Ditta
Finfine ni iris sketi! :)
Mi devas konfesi ke mi jam monatojn antaŭe planis ke ni faru tion sed iel mi pensis ke al la aliaj ne plaĉus la ideo. Do, mi ege ĝojis, ke ni povis esperantumi jam ankaŭ surglacie. :)
Unue ni komencis paroli hungare sed iomete poste ni ŝanĝis al Esperanto kaj post tiam ankaŭ ĉi tiu aranĝo estis vera verda renkontiĝo. :) Laŭ mi eble mi estis tiu kiu malplej flue parolas Esperanton sed nek mi havis problemojn; bone, mi klopodis ke mi ne faru multajn erarojn sed ankaŭ la aliaj helpis min kaj ĝi estis bonega praktikebleco. :)
Ni estis en „Jégterasz” kaj unue mi timis ke la glacio ne estos bona (mi jam sketis tie kaj ne ĉiam amuziĝis tro bone pro la malalta kvalifiko de la sketejo) sed ankaŭ tio estis bonega, ni havis bonŝancon. Ĉiuj povis prunti sketilojn (nur mi kunportis la miajn) kaj eĉ la vestejo estis malmultekosta.
Pardonu, mi scias ke nun mi estas iomete tro entuziasma sed mi ege ĝojas ke ni sukcesis sketi kune, ankaŭ se nun ni ne estis tro multaj. :)
Mi esperas ke ankaŭ vi venos al la filmrigardado en februaro – atendu la novaĵojn sur la retpaĝo, ni baldaŭ informos ĉiujn pri tio. ;)
Ditta
