Verda arto

En nia hejmpaĝo komenciĝos konkurso kiu apartenas al la poentkolektada ludo (se vi ankoraŭ ne vidis la anoncon, sed interesiĝas pri tio, klaku ĉi tien), ĉi tiel ĉiuj partoprenantoj ricevas po unu poenton, kaj la plej bonaj du. Aliflanke, ni tre bonvenigus tiujn kreaĵojn, kiuj rilatas al nia komuna lingvo, Esperanto.

Se vi estas malpli ol 28 jarojn aĝa, kaj estas kreema, aliĝu senhezite!

 Nur kelkaj ekzemploj, pri kio ni pensis:

• tradukado – povas esti ankaŭ kantoteksto;
• poemo aŭ novelo (maksimume 4 paĝojn longa);
• trikado aŭ bidaĵoj;
• desegnaĵoj, pentraĵoj;
• mem verkita muziko/kanto.

Nia plano estas startigi novan kunkurson en ĉiu monato kun nova temo. La anoncon por ili vi povos vidi ĉiam en la unua tago de la monato, kaj la konkurso daŭros ĝis la 20-a. La rezulton kun la poentoj vi povos vidi la 25-an kaj la ĵurio konsistos el anoj de la Hungara Esperanto-Junularo (kiuj kompreneble mem ne partoprenos la konkurson).

Vian artaĵon (aŭ foton pri ĝi) vi povas alŝuti post registrado ĉe tiu ĉi retpaĝo en vian blogon. (Maldekstre ĉe „Krei enhavon”.) Pri via anonco bonvolu sendi retmesaĝon al ni al tiu ĉi retadreso: hej ĉe ijs punkto hu.

Se vi havas ian ajn demandon koncerne la konkurson, skribu al ni retmesaĝon al tiu ĉi adreso: hej ĉe ijs punkto hu, kaj ni volonte respondos al ĝi.

Nia unua temo estas la Novjaro.

Do sendu al ni ion ajn ĝis la 20-a de januaro koncerne tiun feston – vi povas pensi ekzemple pri la novjaraj kutimoj, promesoj aŭ refreŝiĝo (renoviĝo).

Ni elkore deziras al vi inspiron kaj sukceson al la tasko kaj ankaŭ feliĉan, ĝojplenan Novjaron! :)

Organiza teamo de HEJ