Januara sketado

Ĉu vi ŝatas sketi? Ĉu vi ankoraŭ ne kapablas? Ĉu vi volas ĝin provi aŭ praktiki inter homoj kiuj tute ne ridas pri vi, nur kun vi?
Se jes, venu kun ni sketi la 23-an de januaro al la sketejo de Westend en Budapeŝto! Bonega ebleco por ĉiuj kiuj volas renkontiĝi, paroladi, sketi, ridi, amuziĝi kun aliaj geesperantistoj. :)

Ni renkontiĝos je 13:00 ĉe la akvofalo ’Niagara’ en Westend (ĉiuj venu al la subireja etaĝo!) La bileto kostas 1300 HUF por adoltoj kaj 900 HUF por infanoj (sub 14 jaroj) por kvar horoj (13:00-17:00). Eblos ankaŭ prunti sketilon tie se vi ne havas ĝin! (1500 HUF/3 horoj, 1800 HUF/4 horoj)
Se vi havas iun problemon telefonu al Ditta Békési, 06 70 274 44 56. :)

Grava informo! Tiuj kiuj veturas el urbo aŭ vilaĝo kiu estas almenaŭ 50 km fore de Budapeŝto povos havi 50% rabaton de siaj vojaĝkotizoj por siaj unuaj partoprenoj en HEJ-aranĝoj ekde nun (rajtas peti ĝin kaj kiuj unue partoprenas HEJ-aranĝon, kaj kiuj ankoraŭ ne partoprenis). Se vi loĝas pli fore ol 50 km de la renkontiĝloko, havas malpli ol 30 jarojn, estas aktiva membro de Hungara Esperanto-Junularo aŭ aliĝas dum la renkontiĝo (ĉi tio estas tute senpaga afero) kaj volas havi la rabaton, skribu mallongan leteron al hej@ijs.hu pri la jenaj: kiu vi estas, kiom da jaroj vi havas, de kie vi venas, kiel vi volas partopreni esperantan renkontiĝon, kiam kaj kial vi decidis ke vi lernos Esperanton. Se vi restos aktiva membro de la partoprenantoj (ekz vi skribos rakonton pri la renkontiĝoj, partoprenos nian poentkolektan ludon en www.ijs.hu) vi povos havi la rabaton denove. ;)

Pri nia venonta renkontiĝo: verŝajne ni rigardos filmon la 20-an de februaro, pri tio vi povos informiĝi ĉe ĉi tiu retpaĝo kaj en nia venonta letero.

Ni esperas ke ni renkontiĝos ankaŭ kun vi la 23-an! :)
(Se vi venos, bonvolu skribi leteron al hej@ijs.hu ke ni sciu pri vi!)

grupo de Hungara Esperanto-Junularo