Tuj post IJS, la 5an de aŭgusto, ni renkontiĝos je la 12.00 ĉe Nyugati Pályaudvar, ĉe la pakaĵgardejo en Westend, kiu troviĝas sur la plej suba etaĝo, apud la necesejoj.
Tie ni faros du grupojn. Tiujn kiuj antaŭe ne estis en Budapest (komencantoj) gvidos Zsófi tra la urbo, la progresantojn ĉiĉeronos Petra tra ties belegan stratoj. Ambaŭ grupoj haltos ie por tagmanĝi, kaj je la 16.30 ni ĉiuj renkontiĝos ĉe Deák Ferenc tér, kie okazos freneza kunkantado kaj kundancado de LaBamba kaj eventuale de aliaj Esperantaj kantoj.
De tie ni iros por kunpreni niajn pakaĵojn al Nyugati kaj veturos al Szentendre, kie de la 20.00 okazos la rigardado de Ie en Eŭropo kun esperantaj voĉoj en la kinejo de Szentendre. Post la filmo ni eble manĝos kune ie antaŭ ol foriri al nia tranoktejo en Pap-sziget (se estos pli da homoj, kiuj emas tie tranokti). Se vi volas tranoktejon por tiu nokto, ni povas rekomendi al vi ankaŭ malmultekostajn gastejojn aŭ eblas ankaŭ tranokti senpage ĉe esperantistoj.
La taga programo ne havos apartan koston, sed la partoprenantoj devas pagi por si la vojaĝojn, la pakaĵgardejon, manĝadon kaj eventuale la tranoktadon.
Se vi intencas partopreni en la programo, bonvolu kontakti Petra ĉe p.smideliusz {cxe} gmail {punkto} com. Bonvolu skribi al mi en kiu grupo vi ŝatus urborigardi kaj informu min se vi volas tranokti ĉe esperantistoj senpage aŭ en gastejo. Eblas ankaŭ partopreni en eroj de la programo (ekz. la filmon en la kinejo, aŭ la La Bambumadon).
La 6an de aŭgusto vespere László Szilvási invitas ĉiujn partoprenantojn al sia domo kie li organizas bonetosan kunkuiradon (kaj kunvinumadon). Bonvolu informi Petra ĉe p.smideliusz {cxe} gmail {punkto} com se vi planas partopreni tiun programon.
