Eble vi konas tiun ĉi situacion: vi
serĉas certan libron aŭ intencas vendi malnovajn, volas fondi regulan
lokan renkontiĝon, havas oferton aŭ bezonas ian servon, sed vi ne scias
kiel publikigi vian deziron rilate al Esperanto. Aŭstria
Esperanto-Federacio ekfunkciigis retpaĝon por tiaj anoncoj.
La
servo estas tute senkosta kaj libera de komerca fremdvarbado. La
anoncanto ankaŭ rajtas resti anonima helpe de individua kodo kaj pera
kontakto al la retestro. Nove estas, ke nun ne nur AEF-membroj povas
utiligi ĝin sed ankaŭ ĉiu membro de najbarlanda Esperanto-asocio
(Germanio, Ĉeĥio, Slovakio, Hungario, Slovenio, Italio kaj Svislando).
Male
al aliaj jam ekzistantaj retanoncejoj ĝi funkcias samtempe senkoste,
inter-regione kaj helpe de internacia lingvo. Ĉia anonco estas akceptita
escepte de informo pri korespondpeto kaj pri aranĝo, ĉar por tiuj celoj
jam ekzistas sufiĉe da aliaj retejoj. Per tiu servo ni esperas iom
helpi la kunligon de Esperantistoj el diversaj regionoj kaj doni servon
al tiuj homoj, kiuj fortigas per sia membreco landajn
Esperanto-asociojn.
http://www.esperanto.at/esperanto-in-oesterreich/esperanto-kleinanzeigen-foiro/
No comments:
Post a Comment